თეირანის შეუპოვრობის სტატისტიკური ანალიზი   საინფორმაციო სააგენტო თასნიმის ინფორმაციით, ირანის დედაქალაქი თეირანი, მასზე განხორციელებული 646 დარტყმის მიუხედავად,  ნაომარ ქალაქს არ დაემსგავსა. ოფიციალური პირების განცხადებით, ეს სამხედრო ძალების დაუღალავი მცდელობისა და საზოგადოებრივი მოხალისეობის შედეგია. გამოქვეყნებული სტატისტიკის თანახმად, მიმდინარე მოვლენების დროს, ქალაქიდან ნანგრევების გატანის 1230 ოპერაცია ჩატარდა, რა დროსაც ადგილზე იმყოფებოდა 3100-ზე მეტი მუნიციპალური თანამშრომელი. ამასთან, სიტუაციების მართვისა და მარშრუტების გასახსნელად სპეციალური მანქანა-დანადგარები იქნა გამოყენებული. დახმარების პროგრამის ფარგლებში, 5880 მოქალაქე საგანგებოდ უზრუნველყოფილ იქნა საცხოვრებლით და ქალაქის სხვადასხვა ნაწილში კრიზისების მართვის 56 კარავი დაიდგა. მეტიც, საზოგადოების მონაწილეობამ მნიშვნელოვანი როლი შეასრულა. სხვადასხვა პროცესში ჩაერთო 4614 მოხალისე. მხარდაჭერის სექტორში, კერძოდ, ცხელ ხაზებზე, რომელიც სადღეღამისო რეჟიმში ფუნქციონირებდა, 22 076 ზარი დაფიქსირდა. ასევე განთავსდა 416 ფსიქოლოგიური დახმარების ჯგუფი საკონსულტაციო სამსახურისა და ფსიქოლოგიური ტრავმის შემცირების მიმართულებით. აღნიშნული ზომების პარალელურად შეუფერხებლად განხორციელდა მოქალაქეთა ძირითადი საჭიროებების უზრუნველყოფა ხილ-ბოსტნეულის ბაზრობებითა თუ საზოგადოებრივი მაღაზიების ფუნქციონირების გზით. მონიტორინგის სპეციალისტების აზრით, სწორედ ამ ღონისძიებათა ერთობლიობამ განაპირობა ის, რომ თეირანი ჩვეულებრივზე მეტად იქცა წინააღმდეგობის, ერთსულოვნებისა და რთულ პირობებში ცხოვრების გაგრძელების სიმბოლოდ